Dünya çempionatındakı uğursuzluğa görə qovuldu
İdman 20 İyn 2018 11:02:00 284 0
Misir Futbol Assosiasiyası (MFA) milli komandanın argentinalı baş məşqçisi Ektor Kuperin istefaya göndərilməsi barədə qərar qəbul edib.
Goal.az xəbər verir ki, bu barədə Assosiasiya rəhbərliyindəki mənbəyə istinadən "Əl-Vatan" qəzeti yazıb. MFA Ektor Kuper və futbol üzrə Misir yığması qərargahının DÇ-2018-in qrup mərhələsində Səudiyyə Ərəbistanı ilə son oyundan sonra tam heyətlə istefa göndərilməsinə razılıq verib.
Görüş iyunun 25-də Volqoqradda keçiriləcək.
Misirlilər qrup mərhələsinin birinci turunda Uruqvaya (0:1), ikinci turunda isə Rusiyaya (1:3) məğlub olaraq turniri erkən tərk ediblər.
Mənbə: goal.az