Bakı. İranın neft naziri Bijan Namdar Zəngəni ölkəsinin OPEC ölkələrinin xam neft hasilatının kvotasının artırılması ilə bağlı iclasında iştirak etməyəcəyini bəyan edib. Trend-in məlumatına görə, iclas iyunun 22-də Vyanada baş tutacaq. Zəngəni deyib ki, Tehran OPEC+ razılaşmasına ABŞ-ın təsirinə qarşı çıxır. Qeyd edək ki, OPEC iyunda neft hasilatını artıra bilər. Bu barədə təşkilatın iyunda keçiriləcək iclasında müzakirələr aparılacaq. 2016-cı ilin iyununda təşkilat ölkələri gündəlik hasilat həcminin 1,8 mln. barel azaldılmasına dair qərar qəbul ediblər. 2017-ci ilin əvvəlindən icra olunan qərarın müddəti iki dəfə artırılıb. Sonuncu dəfə müddət 2018-ci ilin sonunadək uzadılıb.