Bakıda sexdə texnikanın partlaması nəticəsində usta xəsarət alıb
Digərləri 20 İyn 2018 08:25:00 251 0
Paytaxtın Yasamal rayonunda texnikanın partlaması bir nəfərin yaralanmasına səbəb olub.
Son.az report.az-a istinadən bildirir ki, hadisə Yeni Yasamal qəsəbəsi, Xıdır Mustafayev küçəsi, 165 ünvanında baş verib.
"London taksiləri"nin təmiri xidmətinin 1954-cü il təvəllüdlü əməkdaşı Sadıqov Elman Rəşid oğlu iş görən zaman qaynaq aparatında nasazlıq yaranıb. Nəticədə aparat partlayıb. E.Sadıqov müxtəlif bədən xəsarətləri alıb.
O, təcili tibbi yardım maşını vasitəsilə 1 saylı Kliniki Tibbi Mərkəzə yerləşdirilib.
Fakt Yasamal Rayon Polis İdarəsinin əməkdaşları tərəfindən araşdırılır.
Mənbə: milli.az