Zabratda qonaq öz xalası oğlunu bıçaqlayıb
Sosial 20 İyn 2018 05:06:52 277 0
Hadisəni törətməkdə şübhəli bilinən şəxs saxlanılıb
Bakının Sabunçu rayonunda bıçaqlanma hadisəsi baş verib.
"Report" xəbər verir ki, Zabrat qəsəbəsinin Yeni Məhəllə ünvanında yaşayan 1986-ci il təvəllüdlü Abdullayev Nicat Mikayıl oğlu evdə şəxsi münasibətlər zəminində xalası oğlu ilə mübahisə edib.
Nəticədə tərəflər arasında dava düşüb və N.Abdullayev bıçaqlanıb. Yaralı 3 saylı Kliniki Tibbi Mərkəzə yerləşdirilib.
Sabunçu Rayon Polis İdarəsinin 14-cü Polis bölməsinin əməkdaşları hadisəni törətməkdə şübhəli bilinən şəxsi saxlayıblar.
Araşdırma aparılır.
Mənbə: report.az