Azərbaycanda iki avtomobil toqquşub,
Digərləri 17 İyn 2018 23:45:00 318 0
Goranboyda iki nəfərin xəsarət alması ilə nəticələnən yol-nəqliyyat qəzası baş verib. Son.az APA-ya istinadən bildirir ki, hadisə rayonun Qızılhacılı kəndinə gedən yolda baş verib. Rayon xəstəxanasının stomatoloq həkimi, 1985-ci il təvəllüdlü Musayev Orxan Əli oğlu idarə etdiyi "Lada Priora" markalı avtomobillə hərəkətdə olarkən başqa bir "VAZ" markalı avtomobil onun maşınına çırpılıb.
Qəza zamanı "Lada Priora" yolun kənarında olan işıq dirəyinə çırpılıb. Nəticədə sürücü O. Musayev və Naftalan təcili tibbi yardım stansiyasının işçisi 1984-cü il təvəllüdlü Balacayev Həsən xəsarət alaraq xəstəxanaya yerləşdiriliblər. Onlara tibbi yardım göstərilib. Vəziyyətlərinin normal olduğu bildirilir.
Faktla bağlı hüquq mühafizə orqanlarının əməkdaşları tərəfindən araşdırma aparılır.
Mənbə: milli.az