Şəhriyar Məmmədyarovun qələbə həsrəti davam edir
İdman 16 İyn 2018 13:15:00 288 0
Belçikanın Lyoven şəhərində “Grand Chess Tour” seriyasının I mərhələsi davam edir. Goal.az xəbər verir ki, dünyanın ən güclü şahmatçılarının iştirak etdiyi yarışda blits növünə start verilib.
Turnirdə ölkəmizi təmsil edən Şəhriyar Məmmədyarov ilk 9 turda qələbəyə həsrət qalıb. Vişvanatan Anand (Hindistan), Aleksandr Qrişuk (Rusiya), Maksim Vaşye-Laqrav (Fransa) və Fabiano Karuana (ABŞ) ilə heç-heçə edən qrossmeysterimiz Levon Aronyan (Ermənistan), Aniş Qiri (Hollandiya), Hikaru Nakamura, Uesli So (hər ikisi ABŞ) və Sergey Karyakinə (Rusiya) məğlub olub. Nəticədə xal ehtiyatını 12-yə çatdıran həmyerlimiz turnir cədvəlində 7-ci pillədə qərarlaşıb. Bu növdə II dövrənin qarşılaşmaları bu gün olacaq.
Məmmədyarov 12 xaldan 8-ni rapid növündə toplayıb və bu mübarizədə 6-cı olub.
Mənbə: goal.az