Dərin qatlardakı neftqaz yataqlarının aşkarlanması üçün tədqiqatlar aparılır


Digərləri 15 İyn 2018 11:04:00 456 0

Dərin qatlardakı neftqaz yataqlarının aşkarlanması üçün tədqiqatlar aparılır

Azərbaycan Milli Elmlər Akademiyası Geologiya və Geofizika İnstitutu Yerin dərin qatlarında yerləşmiş neft-qaz yığımları haqqında yeni məlumatların əldə edilməsi üçün tədqiqatlar aparır.

Son.az xəbər verir ki, bunu Trend-ə Azərbaycan Milli Elmlər Akademiyası Geologiya və Geofizika İnstitutunun (GGİ) Palçıq vulkanizmi şöbəsinin müdiri, geologiya-mineralogiya elmləri doktoru, professor Adil Əliyev deyib.

Onun sözlərinə görə, hələlik Yerin daha dərin qatlarında, dərin çöküntülərlə əlaqədar olan neft-qaz yataqları haqqında tam məlumatlar yoxdur. Buna görə də bu istiqamətdə yeni məlumatların əldə edilməsinə ehtiyac var: "İndiki quyular 5-6 km-dək qazılıb və yataqlar açılaraq istifadə edilib. Texnika da imkan verməyib ki, daha dərin quyular qazılsın. Eyni zamanda, bununla bağlı məlumatlar da yoxdur. Ona görə də palçıq vulkanı püskürdükdə Yerin 7-9 km-liyindən tulladığı neftli süxurların tərkibini, yaşını, hansı dərinikdə olmasını öyrənirik və neft-qaz yığımlarının olması barədə neftçi-geoloqlara məlumat veririk".