Baş nazirin müavini: "Rəqiblərimiz "sosial şəbəkə" pərdəsi arxasında gizlənib tərbiyəsizlik edirlər"


Digərləri 14 İyn 2018 13:41:00 297 0

Baş nazirin müavini: "Rəqiblərimiz "sosial şəbəkə" pərdəsi arxasında gizlənib tərbiyəsizlik edirlər"

"Bizim rəqiblərimiz açıq siyasi meydanda üz-üzə gəlməkdən qorxaraq, "sosial şəbəkə" pərdəsi arxasında gizlənib tərbiyəsizlik edirlər".

Son.az Trend-ə istinadən xəbər verir ki, bunu Baş nazirin müavini, Yeni Azərbaycan Partiyasının sədr müavini - icra katibi Əli Əhmədov 15 İyun - Milli Qurtuluş Günü ilə bağlı gənclərlə görüşdə deyib.

Ə.Əhmədov bildirib ki, YAP gəncləri sosial şəbəkələrdə aktiv fəaliyyət göstərirlər: "İstərdim ki, gənclərimiz bu sahədə son dərəcə fəal olmaqda davam etsinlər. Çox təəssüflər olsun ki, rəqiblərimiz bu texnoloji imkanlardan siyasi etikaya uyğun gəlməyən formada istifadə edirlər. Bu gün sosial şəbəkələrdən sui-istifadənin qarşısını almaq mümkün deyil. Yəqin gələcəkdə bu texnoloji imkandan sui-istifadə etmək imkanları mümkün olmayacaq. Rəqiblərimiz üz-üzə gələ bilməyərək sosial şəbəkələr arxasında gizlənib tərbiyəsizlik edirlər, sosial şəbəkələrdən Azərbaycanın adına uyğun gəlməyən formada istifadə edirlər".