Azərbaycan BMT Baş Assambleyasının Gürcüstanla bağlı qətnaməsini dəstəkləyib
Siyasət 13 İyn 2018 11:47:16 217 0
Gürcüstan XİN qətnamənin lehinə səs bütün ölkələrə təşəkkür edib
"Report" xəbər verir ki, BMT Baş Assambleyası 72-ci sessiyada növbəti dəfə Gürcüstanın təşəbbüsü ilə irəli sürülən "Gürcüstanın Abxaziya və Tsxinvali bölgəsindən qondarma Cənubi Osetiyadan olan məcburi köçkün və qaçqınların vəziyyəti" haqqında qətnaməni qəbul edib.
Bu qətnamənin lehinə bu il 81 ölkə, o cümlədən Azərbaycan səs verib.
Gürcüstan Xarici İşlər Nazirliyi qaçqın və məcburi köçkünlərin qaytarılması hüququnu dəstəkləyən bütün ölkələrə təşəkkür edib.
Gürcüstan XİN-dən bildirilib ki, BMT Baş Assambleyası bu qətnaməni 2008-ci ildən qəbul edir və bununla da məcburi köçkünlərin fundamental hüquqlarını, ilk növbədə, öz yaşayış yerlərinə könüllü, təhlükəsiz və layiqli qaytarılması hüququnu gücləndirir.