"TANAPın Türkiyəyə və Azərbaycana həm iqtisadi, həm də siyasi faydaları olacaq"
Siyasət 12 İyn 2018 20:19:00 268 0
Trans Anadolu Boru Kəməri (TANAP) layihəsinin Türkiyəyə və Azərbaycana həm iqtisadi, həm də siyasi faydaları olacaq.
Son.az "Report"a istinadən bildirir ki, bunu TANAP-ın baş direktoru Saltuk Düzyol bildirib.
"2015-ci il martın 17-də TANAP-ın təməlqoyma mərasimindən keçən 3 il 3 ay müddətində böyük işlər görülüb. Kəmərin 56 düymlük 1340 km uzunluğundakı hissəsi tamamlanıb. Türkiyəyə TANAP-la qaz verməyə hazırıq".
Onun sözlərinə görə, iyunun 30-da Türkiyəyə kommersiya qazının nəqlinə başlanması planlaşdırılır.
S. Düzyol qeyd edib ki, TANAP-ın Avropaya qaz nəqli üçün nəzərdə tutan hissəsinin (Faza-1) inşası da irəliləyir və bu hissədə işlərin 84%-i icra olunub: "TANAP Cənub Qaz Dəhlizi layihəsinin ən böyük həlqəsini təşkil edir. Bu layihə vasitəsilə həm də Türkiyənin enerji dəhlizi olmasına vasitəçi olacağıq. İnşa dövründə TANAP-da təxminən 13 min nəfərə məşğulluq təmin edilib. Boruların 80%-I Türkiyədəki şirkətlər tərəfidən istehsal olunub. Layihədə ən yüksək texnologiayalardan istifadə olunub, ən yüksək təhlükəsizlik standartları ilə iş görülüb. Bu mənada TANAP ç nümunə bir layihədir".