Qazaxıstan prezidentinin Dəftərxana rəhbəri Azərbaycana gəlib
Siyasət 12 İyn 2018 18:02:07 287 0
Bakıda "Nursultan Nazarbayev. Bioqrafiya" kitabının təqdimatı keçiriləcək
Qazaxıstan prezidentinin Dəftərxana rəhbəri Mahmud Kasımbekovun rəhbərlik etdiyi nümayəndə heyəti Bakıya gəlib.
Bu barədə "Report" "Kazinform"a istinadən xəbər verir.
"Qazaxıstan nümayəndə heyəti Azərbaycan Prezidenti Administrasiyasının dəvəti ilə Bakıdadır. Bundan əlavə, keçən ay Astanada Heydər Əliyevin 95 illiyinə həsr olunmuş qazax dilində kitab təqdim olunub. Analoji tədbir sabah Bakıda keçiriləcək. "Nursultan Nazarbayev. Bioqrafiya" kitabının təqdimatı olacaq", - M.Kasımbekov bildirib.
Qeyd edək ki, Qazaxıstan nümayəndə heyətinin tərkibinə həmçinin respublikanın mədəniyyət və idman naziri Arıstanbek Muxamediulı, Beynəlxalq Türk Akademiyasının prezidenti Darxan Kıdırali və başqaları daxildir.
Mənbə: report.az