Amerika prezidentinin KXDR lideri ilə dəqiq görüş cədvəli açıqlanıb
Dünya 11 İyn 2018 23:55:38 272 0
İki ölkə prezidenti arasında görüş 45 dəqiqə çəkəcək
Çərşənbə axşamı Sinqapurda ABŞ prezidenti Donald Tramp və KXDR lideri Kim Çen In arasında təkbətək görüş Bakı vaxtı ilə 05:15-də başlayacaq və 45 dəqiqə davam edəcək.
“Report” xəbər verir ki, bu barədə Amerika liderinin Ağ ev tərəfindən dərc olunan gündəlik cədvəlində qeyd olunub.
Ardınca bir saat yarım ərzində geniş tərkibdə danışıqlar aparılacaq. Bu görüş Bakı vaxtı ilə 07:00-da bitəcək. Daha sonra ABŞ və Şimali Koreya liderləri işgüzar nahar edəcəklər.
Üç saatdan sonra, yəni Bakı vaxtı ilə 12.00-da Amerika lideri həmkarı ilə aparılacaq danışıqların yekunlarına dair mətbuat konfransı keçirəcək.
Tramp jurnalistlərlə görüşdən sonra hava limanına yollanacaq.
Mənbə: report.az