Belə ki, o uzun çəkən investor axtarışlarından sonra 18 yaxın dostu ilə görüşərək öz layihəsi ilə bağlı gələcək planlarını ifadə etdikdən sonra dostlarından 60 milyon dollar məbləğində maliyyə yardımı alır. Beləliklə 1999-cu ildə bir çoxlarının uzun illər sevimlisinə çevrilən "Alibaba.com" yaradılır.

Son.az facemark.az-a istinadən bildirir ki, Jack Ma layihəsinə ərəb nağılının qəhrəmanının adını verməyi haqqında öz reportajında belə söyləyib: "Bir gün San Franciscoda bir kafedə oturanda "Alibaba"nın çox maraqlı və gözəl ad olabiləcəyini düşündüm. Bir ofisiant yaxınlaşdı, ona "Alibaba"yı tanıyırsan mı?' dedim. "Bəli" dedi. "Alibaba" haqqında nə bildiyini soruşduqda, "Açıl susam açıl" dedi. Ətrafdakılara "Alibaba kimdir?" deyə soruşub.

Hətta o küçədə gördüyü şəxslərə sual verib və nəticədə hər kəsdən bəlli "Alibaba və Qırx quldur" cavabını aldıqdan sonra bu adın dünyaca məşhur olduğunu anlayıb və öz internet saytına "Alibaba" adını verməyi qətiləşdirib. Yaratdığı e-ticarət saytının adının "A" hərfi ilə başlamasının əsas səbəbi - "A" hərfinin axtarış sistemlərində ilk sırada cıxmaqlarına kömək edə bilmə ehtimalı idi. Hətta Jack Ma "Alibaba" adı ilə yanaşı, həm də "Alimama" adını da almışdır. O bu vəziyyəti belə açıqlayır: "Biz birinin bizimlə evlənmək ehtimalına qarşılıq olaraq bu adı da aldıq."

Dünyaca məşhur Çin kompaniyası 2017-ci il üçün özünün statistikasın müəyyən etmişdir. Göstəricilərə, əsasən demək mümkündür ki, il ərzində gəliri 8,285 milyard dollar olmuşdur ki, bu da keçən illə müqayisədə mövcud göstəricinin 61% çox olduğunu göstərir. Mütəxəssislərin hesablamalarına görə, fəaliyyətin əsas növlərinin 6,982 milyard dollar, yəni keçən illə müqayisədə 63% çox gəlir gətirdiyi müəyyən olunub. Onların işçi sayında da artım müşahidə olunmuşdur. Belə ki, say 2270 nəfər artmışdır, nəticədə "Alibaba Group" işçi sayı 59 min 572 nəfərdir.

Məşhur internet kompaniyası "Alibaba" 2017-ci ildə öz mövcud geniş pərakəndə ekosistemi üçün 36,8 milyon iş yerləri açmışdır. Bu haqda Dövlət Çin Universitetinin hesabatında məlumat verilmişdir. "Alibaba" ticarət platforması hal-hazırda 500 milyon istehlakçını əhatə edir.

"Alibaba"- "Çin Amazonu" rekord tələb və dəyərlə "Wall Street"də xalqa açıldıqdan sonra bildirilir ki, onun bazar dəyəri 231 milyard dollar olmaqla mövcud "Amazon" və "Ebay"ın bazar dəyərlərini ötmüşdür.

Dünyaca məşhur "Aliexpress" özünə "Müftə" şöbəsi açıb. Burada "Xioma", "Lenovo", "Povos", "Kiki", "Haier", "Bluedio", "EverPretty" və başqalarının məhsulları satacaq. Prinsip isə bundan ibarətdir ki, sifarişçi əvvəldən müraciət edəcək və qəbul olduqdan sonra məhsul üçün yalnız və yalnız 0,01 dollar ödəyəcək. Tək məcburiyyət ondan ibarətdir ki, məhsulu əldə etdikdən və sınadıqdan sonra sifarişçi məhsul barədə sosial şəbəkələrdə fikir yazmalıdır.

Həmçinin "Alibaba Group" şirkətinin təsisçisi Jack Manın sitatlarını təqdim edirik.

- Gözlənilməyəni gözlə.

- Pul xoşbəxtlik deyil, məsuliyyətdir.

- Ən təcrübəli insanı deyil, ən çılğın olanı işə alın.

- Rəqiblərinizi unudun, sadəcə müştərilərinizə fokuslanın.

- Sahib olmanız gərəkən ən önəmli şey səbrdir.