“İdeyadan Biznesə” startap turunun Quba üzrə qalibi müəyyənləşib


Digərləri 08 İyn 2018 17:41:20 268 0

“İdeyadan Biznesə” startap turunun Quba üzrə qalibi müəyyənləşib

Nəqliyyat, Rabitə və Yüksək Texnologiyalar Nazirliyinin Heydər Əliyev Fondunun “Regional İnkişaf” İctimai Birliyi ilə “İdeyadan Biznesə” layihəsi çərçivəsində növbəti startap turu Quba şəhərində keçirilib.

Bakı. Nəqliyyat, Rabitə və Yüksək Texnologiyalar Nazirliyinin Heydər Əliyev Fondunun “Regional İnkişaf” İctimai Birliyi ilə “İdeyadan Biznesə” layihəsi çərçivəsində növbəti startap turu Quba şəhərində keçirilib. Nəqliyyat, Rabitə və Yüksək Texnologiyalar Nazirliyindən Trend-ə verilən məlumata görə, nazirliyin Yüksək Texnologiyalar Parkı, İnformasiya Texnologiyalarının İnkişafı Dövlət Fondu, “Microsoft” şirkətinin təşkilatçılıq, “Azercell” şirkətinin və “Cavan” Gənclər Hərəkatı İctimai Birliyinin tərəfdaşlıq etdiyi startap turlarının məqsədi startap hərəkatının genişləndirilməsinə, vətəndaşların innovativ ideyalarının reallaşdırılmasına dəstək göstərməkdir. Quba Heydər Əliyev Mərkəzində keçirilən startap turuna Qusar, Xaçmaz, Şabran, Siyəzən və digər ətraf rayon və şəhərlərdən olan 50-dək gənc qatılıb. Tədbirin birinci hissəsində startapları əsas müsabiqəyə hazırlamaq üçün kiçik biznes-treninqlər təşkil olunub, ikinci hissədə isə onlar öz ideyalarını münsiflər heyəti qarşısında təqdim ediblər. Daha sonra mentorlar tərəfindən seçilmiş layihələr birincilik uğrunda mübarizə aparıb. Layihə müəlliflərinin hər çıxışından sonra sual-cavab və layihənin müzakirəsi baş tutub. İkinci hissənin sonunda münsiflər Quba üzrə 1-ci, 2-ci və 3-cü yerlərin qaliblərini müəyyənləşdirib. Belə ki, 1-ci yerin sahibi “Edu Record” layihəsi ilə Əlizadə Cəmil, “Sintetik futbol” ideyası ilə Müslümov Elxan 2-ci, “Home study” ideyası ilə Muradxanova Nərgiz 3-cü olub.