Azərbaycanda istehsal olunan avtomobillər gələn həftədən satışa çıxarılır FOTO
Digərləri 08 İyn 2018 14:02:41 374 0
Neftçala sənaye məhəlləsindəki Azərbaycan-İran birgə zavodunda istehsal olunan "Khazar" avtomobillərinin alışı üçün artıq 40 sifariş daxil olub.
Son.az Trend-ə istinadən xəbər verir ki, bunu zavodun sahiblərindən biri olan "AzərMaş" şirkətinin İdarə heyətinin sədri Emin Axundov deyib.
O bildirib ki, ilk sifarişçilər dövlət strukturları - İqtisadiyyat, Energetika və Vergilər nazirlikləri olub. Bu günədək zavodda 100-ə yaxın avtomobil istehsal olunub.
E.Axundovun sözlərinə görə, avtomobillərin satışı gələn həftənin əvvəlində başlayacaq. İlk mərhələdə "Khazar SD" və "Khazar LD" modelləri satışa çıxarılacaq. Satışlar Bakıda 3 satış mərkəzində həyata keçiriləcək.
Mənbə: milli.az