Bakıda Ümumdünya Gömrük Təşkilatının beynəlxalq sərgisi keçiriləcək


Digərləri 08 İyn 2018 09:46:00 246 0

Bakıda Ümumdünya Gömrük Təşkilatının beynəlxalq sərgisi keçiriləcək

https://az.trend.az/business/2914517.html

İyun ayının 6-da Perunun Lima şəhərində 75 ölkəni təmsil edən 500-dən artıq nümayəndənin iştirakı ilə Ümumdünya Gömrük Təşkilatının (ÜGT) növbəti 2018-ci il İnformasiya Texnologiyaları Konfransı və Sərgisi öz işinə başlayıb.

Son.az Trend-ə istinadən xəbər verir ki, Peru Gömrük və Vergilər Administrasiyasının ev sahibliyi etdiyi sayca 17-ci olan bu tədbir Koreya Gömrük Xidmətinin dəstəyi ilə təşkil edilib.

Tədbirdə Azərbaycanı Dövlət Gömrük Komitəsinin Fəaliyyətin Qiymətləndirilməsi və İnkişaf Proqramları Baş İdarəsinin rəisi, gömrük xidməti general mayoru İqbal Babayev və Xarici Əlaqələr İdarəsinin rəisi, gömrük xidməti polkovniki Dilavər Fərzəliyev təmsil edirlər.

Konfrans-sərginin birinci günündə Peru Gömrük və Vergilər Administrasiyasının milli katibi Victor Shiguiyama Kobashigava, Ümumdünya Gömrük Təşkilatının baş katibi Kunio Mikuriya və Koreya Gömrük Xidmətinin İnformasiya və Beynəlxalq Əlaqələr Bürosunun direktoru Taeii Kanq açılış nitqi söyləyiblər.

ÜGT-nin İKT Konfrans və Sərgisi bu il "Transsərhəd ticarətin inkişafı üçün etibarlı rəqəmsal mühitin yaradılması" mövzusuna həsr olunub. Tədbir çərçivəsində ÜGT-yə üzv dövlətlərin nümayəndələri informasiya texnologiyalarını tətbiq etməklə biznes mühitin təhlükəsizliyini təmin etmək yolu ilə dayanıqlı iqtisadi artımın təmin edilməsi yolları barədə fikir mübadiləsi aparacaqlar. Eyni zamanda tədbir çərçivəsində qanuni ticarətin asanlaşdırılması və yüksək riskli malların müəyyən edilməsi sahəsində qabaqcıl texnologiyaların yaratdığı imkanlar və yeni yanaşmalar təqdim ediləcək. Bununla bağlı Süni İntellekt, Blokçeyn Texnologiyası və Əşyaların İnterneti kimi praktiki həllərin gömrük sistemində tətbiqi məsələləri öyrəniləcək.


Xəbərə aid fotolar