Qida Təhlükəsizliyi Agentliyi: Heyvan kəsimi standartlara uyğun şəkildə həyata keçiriləcək


Digərləri 06 İyn 2018 09:16:00 730 0

Qida Təhlükəsizliyi Agentliyi: Heyvan kəsimi standartlara uyğun şəkildə həyata keçiriləcək

Əhalinin sağlam ət və ət məhsulları ilə təmin olunması üçün Agentlik sahibkarlara müraciət etdi

Bakı. İlhamə İsabalayeva - Qida Təhlükəsizliyi Agentliyi əhalinin sağlam ət və ət məhsulları ilə təmin olunması üçün sahibkarlara müraciət edib. Agentlikdən Trend-ə verilən məlumata görə, müraciətdə deyilir ki, heyvan mənşəli qida məhsulları və onların istifadəsi qida zəncirinin yüksək risk dərəcəsinə malik olan sahəsidir: "Əhalinin sağlam qida məhsulları ilə təmin olunmasında ət kəsimi məntəqələrinin və bu istiqamətdə fəaliyyət göstərən sahibkarlıq subyektlərinin üzərinə böyük məsuliyyət düşür. Bu məsuliyyətdən irəli gələn vəzifələrin yerinə yetirilməsi üçün ət kəsimi məntəqələrinin əhalinin qida təhlükəsizliyi tələblərinə, gigiyenik normalara uyğun formada fəaliyyətini həyata keçirməsi zərurəti meydana çıxır. Hazırkı şəraitdə bu sahədə səliqə-səhmanın yaradılması üçün sanitar gigiyenik tələblərə cavab verən mərkəzləşmiş ət kəsimi məntəqələrinin yaradılmasına ehtiyac var".