Son.az xezerxeber.az-a istinadən bildirir ki, Sabunçu rayon Polis İdarəsi 14-cü polis bölməsi əməkdaşlarının həyata keçirdikləri əməliyyat tədbiri nəticəsində narkotiklərin qanunsuz dövriyyəsi, satışı və kultivasiyası ilə məşğul olan paytaxt sakini olan Emil Qələndərov saxlanılıb.

Onun Maştağa qəsəbəsində yerləşən bağ evinin həyətindəki istixanaya hal şahidlərinin iştirakı ilə baxış keçirilən zaman kultivasiya yolu ilə yetişdirilən 539 ədəd çətənə kolu və hazır qablaşdırılmış formada satış üçün nəzərdə tutulan 4 kiloqram 670 qram marixuana aşkar olunaraq götürülüb.

Saxlanılan şəxs ifadəsində narkotik tərkibli bitkiləri satmaq məqsədi ilə əkdiyini bildirib.