Bakıda gənc qızı vuran maşın idarəetmədən çıxaraq digər avtomobilə çırpılıb


Sosial 02 İyn 2018 02:21:43 299 0

Bakıda gənc qızı vuran maşın idarəetmədən çıxaraq digər avtomobilə çırpılıb

Sürücü hadisə yerindən qaçıb

Bakının Binəqədi rayonunda piyadanın vurulması ilə nəticələnən yol-nəqliyyat hadisəsi baş verib.

“Report” xəbər verir ki, 1-ci Mədən qəsəbəsində yolu keçmək istəyən 2001-ci il təvəllüdlü Məmmədova Aysun Rəşad qızını "Lada Qrand" markalı avtomobil vurub.

Piyadanı vuran maşın daha sonra idarəetmədən çıxaraq yol kənarında dayanmış "Mercedes" markalı taksiyə çırpılıb. "Lada"nın sürücüsü avtomobildən düşərək ərazidən uzaqlaşıb. Yaralı təcili yardımla 1 saylı Kliniki Tibbi Mərkəzə yerləşdirilib.

Faktla bağlı Binəqədi Rayon Polis İdarəsində araşdırma aparılır.