Son.az bildirir ki, millət vəkili, siyasi elmlər doktoru Elman Nəsirov deyir ki, bundan sonra da Azərbaycan-ABŞ əlaqələrinin inkişafi üçün geniş imkanlar var və hər iki tərəf bu imkanlardan maksimum faydalanmaqda maraqlıdır.

Millət vəkilinin sözlərinə görə, ABŞ-ın azərbaycanla münasibətlərinə önəm verməsinin bir səbəbi də azərbaycanın müstəqil siyasət yürütməsidir. Azərbaycanın həyata keçirdiyi xarici siyasət balansılı olması ilə fərqlənir. Bundan əlavə ABŞ-Azərbaycan münasibətlərinin inkişafı hər iki tərəfin qarşılıqlı maraqlarına yönəlib. Siyasi elmlər doktoru Elman Nəsirov hesab edir ki, öz iradəsi hesabına Cənub Qaz Dəhlizi layihəsinin reallaşması ilə Azərbaycan bir daha müstəqil siyasət yürütdüyünü sübut etmiş oldu.

Heç kəsə sirr deyil ki, amerikada azərbaycanı istəməyən, iki ölkənin münasibətlərinə xələl gətirmək istəyən həm erməni lobbisinin nümayəndələri, həm də amerikalı konqresmenlər var. Millət vəkili Elman Nəsirov deyir ki, ABŞ prezidentinin Azərbaycanı dəstəkələməsi sözügedən qüvvələrə tutarlı cavab oldu.