Bakı. İlhamə İsabalayeva - Bakı şəhəri üzrə ümumi təhsil müəssisələrinin direktorları və gələcəkdə bu vəzifədə çalışmaq arzusu olan pedaqoji kadrlar üçün keçirilən təlimlərdə iştirak edən namizədlərin müsahibə mərhələsinə start verilib. Təhsil Nazirliyindən Trend-ə verilən məlumata görə, müsahibənin nəticəsinə əsasən Bakı şəhəri üzrə vakant direktor vəzifəsinə namizədlər müəyyənləşəcək. Qeyd edək ki, Təhsil İşçilərinin Peşəkar İnkişafı İnstitutu tərəfindən Bakı şəhəri üzrə ümumi təhsil müəssisələrinin direktorları və gələcəkdə bu vəzifədə çalışmaq arzusu olan pedaqoji kadrlar üçün təlimlər təşkil edilib.