Metyu Brayza: "Cənub Qaz Dəhlizi Azərbaycanın dünya bazarındakı rəqabət gücünü artıracaq"
İqtisadiyyat 31 May 2018 11:26:17 334 0
"Bu, Azərbaycan və Avropa üçün böyük uğurdur"
"Cənub Qaz Dəhlizinin əsas ideyası ondan ibarətdir ki, bu layihə Azərbaycanın suverenliyini daha da gücləndirəcək və bazardakı rəqabət qabiliyyətini daha da artıracaq. Beləliklə, yavaş-yavaş "Qazprom"un Avropada adi şirkət olacağı hal yarana bilər".
Bunu "Report"a Atlantik Şuranın analitiki, ABŞ-ın Azərbaycandakı keçmiş səfiri Metyu Brayza deyib.
Onun sözlərinə görə, Cənub Qaz Dəhlizininişə salınması irəliyə doğru atılmış addımdır: "Bu, həm Azərbaycan, həm də Avropa üçün böyük uğurdur".
Ekspert SOCAR-ın dünya enerji bazarındakı fəaliyyətini yüksək qiymətləndirib. "SOCAR yalnız Cənubi Qafqazda və Türkiyədə strateji rol oynamır, o həm də addım-addım Avropada rolunu artırır. Mən bununla fəxr edirəm", - M.Brayza bildirib.
Mənbə: report.az