Astara Rayon Polis Şöbəsinin əməkdaşları tərəfindən keçirilən əməliyyat tədbirləri nəticəsində rayon ərazisində mikroavtobus sürücülərinin etibarından sui istifadə edərək onların pulunu və mobil telefonlarını mənimsəyən, həmçinin bir evdən oğurluq edən Röyal Axundov saxlanılıb.

Rayon polisinə müraciət olunub ki, Röyal Axundov Bakı şəhərinə aparmaqdan ötrü sərnişin tapması adı ilə taksi sürücüsünüaldadaraq onun 150 manat pulunu alıb. O, daha bir sürücünü eyni yolla aldadaraq 50 manat pulunu və "Samsung" markalı mobil telefonunu mənimsəyib. Aparılan araşdırmalarla adıçəkilən şəxsin ümumilikdə 6 sürücünün dələduzluq yolu ilə pul və mobil telefonunu mənimsədiyi məlum olub.

Saxlanılan RöyalAxundovun üzərinə keçirilən baxış zamanı şəxsi istehlak miqdarından artıq çəkidə1.5 qram narkotik vasitə olan heroin aşkar edilərək götürülüb. Onun əlbir olduğu daha 2 nəfər saxlanılıb.