Bakıda gecə klubu qarşısında kütləvi dava olub
Digərləri 26 May 2018 08:20:00 257 0
Dava taksi sürücüləri arasında müştəri üstündə baş verib
Bakının Səbail rayonunda dava zamanı 1 nəfər döyülüb.
Son.az "Report"a istinadən bildirir ki, 1977-ci il təvəllüdlü Nadirov Aslan Ələddin oğlu "Otto" gecə klubunun qarşısında digər 3 nəfər taksi sürücüsü ilə mübahisə edib.
Nəticədə A.Nadirov 3 nəfər tərəfindən döyülüb. Müxtəlif xəsarətlər alan sürücü xəstəxanaya yerləşdirilib.
Qeyd edək ki, A.Nadirov taksi fəaliyyətinə yeni başlayıb. O, digər taksi sürücüləri ilə müştəriyə görə dava edib.
Faktla bağlı Səbail Rayon Polis İdarəsinin əməkdaşları hadisə yerinə baxış keçirib. Davada iştirak edənlər məsuliyyətə cəlb edilib.
Mənbə: milli.az