Dövlət Komitəsinin sədr müavini: “Heç bir din xadimi rəsmi nikah olmadan kəbin kəsə bilməz”


Digərləri 23 May 2018 12:47:57 267 0

Dövlət Komitəsinin sədr müavini: “Heç bir din xadimi rəsmi nikah olmadan kəbin kəsə bilməz”

"Dini baxımdan ailə institutu ilə bağlı təhdid yoxdur, əgər belə hal varsa, bu, dinlə bağlı deyil"

“Heç bir din xadimi rəsmi nikah olmadan kəbin kəsə bilməz. Əgər bir sənəd nikaha girən şəxslər üzərində məsuliyyət qoymursa, o kəbinin Allah, dövlət qarşısında hüquqi səlahiyyəti yoxdur. Dini yanaşma bundan ibarətdir”.

“Report”un xəbərinə görə, bunu Milli Məclisdə “Azərbaycan ailə modeli: Müasirlik və dəyərlər” mövzusunda keçirilən dinləmədə Dini Qurumlarla İş üzrə Dövlət Komitəsinin sədr müavini Gündüz İsmayılov deyib.

Komitənin sədr müavini qeyd edib ki, dini baxımdan ailə institutu ilə bağlı təhdid yoxdur, əgər belə hal varsa, bu, dinlə bağlı deyil.