Oyun zamanı bir qrup azarkeş Qrizmannı fitə tutub. Baş məşqçi Diyeqo Simeone onların 40-50 nəfər olduğunu deyib. 27 yaşlı futbolçu bu münasibətdən çox məyus olub.

Atletico daha sonra Barcelona-nı azarkeşləri təxribata çəkməkdə ittiham edib. Madrid klubunun iddiasına görə, katalonlar mətbuatda Qrizmannla razılıq əldə etdikləri barədə xəbərləri yaymaqla qarşı tərəfin azarkeşlərini qıcıqlandırıb.

Hücumçunun baş verən xoşagəlməz hadisədən sonra fikrini dəyişib-dəyişmədiyi açıqlanmır. Onun yaxın ətrafı da yekdil məsləhət vermir. Bəziləri futbolçuya Barcelona-ya getməyi, həyat yoldaşı daxil olmaqla bir neçə dostu isə Atletico-da qalmağı tövsiyə edir.