Gədəbəydə maşın yoldan çıxaraq aşıb, sürücü xəsarət alıb
Sosial 20 May 2018 09:29:32 303 0
Hadisə rayonun Zəhmət kəndində baş verib
Gədəbəy rayonunun Zəhmət kəndində yol-nəqliyyat hadisəsi baş verib.
"Report"un Qərb bürosunun məlumatına görə, 1988-ci il təvəllüdlü kənd sakini Hüseynov Səməd Məhəmməd oğlunun idarə etdiyi "VAZ-21011" markalı avtomobil idarəetmədən çıxaraq yol kənarına aşıb.
Nəticədə sürücü xəsarət alıb. O, xəstəxanaya yerləşdirilib. Vəziyyətinin orta-ağır olduğu bildirilir.
Faktla bağlı araşdırma aparılır.
Mənbə: report.az