Bakı. Mayın 18-də Qırğız Respublikasının Prezidenti Sooronbay Jeenbekov Azərbaycan Prezidenti İlham Əliyevə telefonla zəng edib. Bu barədə Trend Azərbaycan Prezidentinin Mətbuat Xidmətinə istinadən məlumat verir. Söhbət zamanı dövlət başçıları Azərbaycan Respublikası ilə Qırğız Respublikası arasında əməkdaşlığa dair aktual məsələləri müzakirə edib, bundan əvvəl əldə olunmuş razılaşmaların praktiki şəkildə həyata keçirilməsi və ikitərəfli qarşılıqlı fəaliyyətin inkişafının perspektivləri ətrafında fikir mübadiləsi aparıblar. Trend-in ən mühüm və maraqlı xəbərlərini "Telegram"da izləyin