Bakı. İsveçrənin Cenevrə şəhərində Azərbaycanın Əməkdar artisti, pianoçu Adilə Əliyevanın təşkilatçılığı ilə Beynəlxalq Pianoçular Müsabiqəsi keçirilib. Diasporla İş üzrə Dövlət Komitəsindən Trend-ə verilən məlumata görə, 3 gün davam edən müsabiqə 3 yaş kateqoriyası üzrə təşkil olunub. Rusiya, Yaponiya, Fransa və digər ölkələrdən gələn izləyicilərin böyük marağına səbəb olan müsabiqədə Ceyhun Əzizov və albaniyalı Taşko Kostandin 1-ci yerə, yaponiyalı Yanq Şiven 2-ci yerə yiyələniblər. Nərminə İsmayılova və Ramazan Hüseynov diplomlarla təltif olunublar.