Bayılda növbəti sürüşmə


Digərləri 16 May 2018 17:52:38 293 0

Bayılda növbəti sürüşmə

Mayın 15-də Bayılda növbəti torpaq sürüşməsi baş verib. Bu zaman 2 fərdi yaşayış evi tam, 2-si isə qismən dağıntılara məruz qalıb. Daha 20 fərdi ev də təhlükəli ərazidədir. 

Səbail Rayon İcra Hakimiyyəti və Fövqəladə Hallar Nazirliyinin mütəxəssisləri tərəfindən ərazidə araşdırmalar aparılıb, binaların qəzalı və təmirə yararsız olması ilə bağlı rəy verilib. Eyni zamanda, rayon icra hakimiyyəti tərəfindən məsələ ilə bağlı Nazirlər Kabinetinə müraciət olunub. 

Səbail RİH tərəfindən qabaqlayıcı tədbirlər görülərək sürüşmədən əvvəl Buxta küçəsi 9 ünvanında yaşayan ailələr köçürülüblər. Mayın 15-də isə təhlükəli ərazidən daha bir neçə evin sakinləri köçürülüb. Ümumilikdə, Buxta küçəsindən 22 ailə (55 nəfər) köçürülüb, əraziyə nəzarət olunması üçün polis postları qoyulub, xəsarət alan yoxdur. Ərazidə araşdırmalar aparılır.

Son.az report-a istinadən sürüşmə ərazisindən fotoreportajı təqdim edir.