Ermənistan nümayəndəsi Azərbaycan tərəfinin çıxışına müdaxiləyə cəhd etdi FOTO


Siyasət 15 May 2018 19:04:00 39 0

Ermənistan nümayəndəsi Azərbaycan tərəfinin çıxışına müdaxiləyə cəhd etdi  FOTO

BMT İnsan Hüquqları Şurasının (İHŞ) Universal Dövri İcmal (UDİ) üzrə İşçi Qrupunun 30-cı sessiyası çərçivəsində Azərbaycanın 3-cü dövri məruzəsinə baxış keçirilib.

Son.az Trend-ə istinadən bildirir ki, UDİ prosesi BMT sistemi daxilində insan hüquqları üzrə beynəlxalq öhdəliklərin yerinə yetirilməsinin monitorinqi sahəsində ən mötəbər təcrübə hesab edilir. Beş ildən bir keçirilən UDİ baxışı zamanı insan hüquqlarının qorunması sahəsində beynəlxalq öhdəliklərin hər bir BMT üzvü dövlət tərəfindən icrası vəziyyəti qiymətləndirilir və digər dövlətlər tərəfindən məruzəsi dinlənilən dövlətə müvafiq istiqamətdə tövsiyələr verilir.

Tədbirdə Azərbaycanı Prezident İlham Əliyevin sərəncamına əsasən, xarici işlər nazirinin müavini Xələf Xələfovun rəhbərlik etdiyi nümayəndə heyəti təmsil edib.

Tədbirin əvvəlində nümayəndə heyətinin başçısı X.Xələfov açılış nitqi ilə milli hesabatı təqdim edib. Çıxışda X.Xələfov Azərbaycanda insan hüquq və azadlıqlarının təminatındakı əsasların hələ 100 il əvvəl müsəlman Şərqində ilk parlamentli respublika olan və qadınlara seçki hüququ tanıyan Azərbaycan Xalq Cümhuriyyəti dövründə qoyulduğunu qeyd edib. Həmçinin Azərbaycan Xalq Cümhuriyyətinin siyasi və mənəvi varisi olan Azərbaycan Respublikasının həmin dövrdə əsası qoyulmuş demokratik ənənələrə sadiq olduğunu bildirib.

X.Xələfov Azərbaycanın insan hüquqlarının müdafiəsi və təşviqi sahəsində əsas beynəlxalq sənədlərə tərəf olduğunu və bu xüsusda, BMT-nin müvafiq müqavilə qurumları çərçivəsində əməkdaşlıq edildiyini və dövri hesabatların vaxtlı-vaxtında təqdim olunduğunu qeyd edib. Azərbaycan nümayəndə heyətinin rəhbəri ölkəmizin İHŞ-nin xüsusi məruzəçiləri ilə əməkdaşlığa böyük önəm verdiyini qeyd edib və Azərbaycan Respublikası Hökumətinin xüsusi məruzəçilərə daimi dəvət göndərməsi haqqında İşçi Qrupunu məlumatlandırıb.

Ermənistanın ölkəmizə qarşı hərbi təcavüzü haqqında tədbir iştirakçılarını ətraflı məlumatlandıran X.Xələfov ərazilərimizin 20%-nin Ermənistanın işğalı altında olmasını insan hüquqlarının təmin olunması istiqamətində başlıca maneə qismində dəyərləndirib. X.Xələfov Ermənistanın Azərbaycana qarşı işğal və etnik təmizləmə siyasəti nəticəsində 1 milyona yaxın Azərbaycanlının qaçqın və məcburi köçkün vəziyyətinə düşdüyünü qeyd edib və Ermənistanın davam edən təcavüzü nəticəsində ölkəmizə 818 milyard ABŞ dolları məbləğində zərər vurulduğunu əlavə edib.

Xarici işlər nazirinin müavini cari ilin aprel ayının 11-də keçirilən prezident seçkiləri haqqında, həmçinin Azərbaycan Respublikasında insan hüquqlarının müdafiəsinin səmərəliliyinin artırılması üzrə Milli Fəaliyyət Planının həyata keçirilməsinin davam etdirilməsi, korrupsiyaya və insan alverinə qarşı mübarizə, ASAN Xidmətin fəaliyyəti, ədalət mühakiməsinin və vəkillik fəaliyyətinin təkmilləşdirilməsi, cəza siyasətinin humanistləşdirilməsi və vətəndaş cəmiyyətinin təşviqi sahələrində həyata keçirilən tədbirlər barədə məlumat veib.

Ölkəmizdə dini tolerantlıq və millətlərarası münasibətlərin daha da gücləndirilməsi və inkişafı məqsədilə həm milli həm də beynəlxalq səviyyədə görülən tədbirlər, o cümlədən Heydər Əliyev Fondu və bu Fond tərəfindən həmin istiqamətdə dünyanın müxtəlif ölkələrində həyata keçirilən layihələrlə bağlı məlumat verib.

Nazir müavini, iqtisadi, sosial və mədəni sahələrdə görülən tədbirlər, o cümlədən qəbul və icra edilən dövlət proqramları, həmçinin dayanıqlı inkişaf sahəsində həyata keçirilən işlər barədə məlumat vermişdir. Eyni zamanda, o, qaçqın və məcburi köçkünlərin iqtisadi-sosial şəraitlərinin yaxşılaşdırılması istiqamətində görülmüş işlərdən bəhs edib.

Azərbaycan nümayəndə heyətinin təqdimatından sonra təşkil olunan interaktiv dialoq çərçivəsində dünyanın bütün regionlarını təmsil edən 106 BMT üzv dövlətin nümayəndələri çıxış edərək Azərbaycanda insan hüquqlarının vəziyyətinə dair münasibət bildirib və müvafiq tövsiyələrini səsləndiriblər. Çıxış edənlərin böyük əksəriyyəti insan hüquqlarının müdafiəsi sahəsində Azərbaycanda həyata keçirilən islahatları yüksək qiymətləndirmiş və bu təcrübənin davam etdirilməsini tövsiyə ediblər. Məcburi köçkünlərin doğma yurdlarına qayıtması hüququnu xüsusilə işıqlandıran bir sıra dövlətlərin nümayəndələri Azərbaycan hökuməti tərəfindən məcburi köçkünlərin vəziyyətinin yaxşılaşdırılması istiqamətində həyata keçirilmiş tədbirləri təqdir ediblər. Eyni zamanda, iştirak edən dövlətlər korrupsiyaya qarşı mübarizə, xüsusilə ASAN Xidmətin fəaliyyətini, eləcə də Azərbaycanda dini tolerantlıq və millətlərarası münasibətlərin daha da gücləndirilməsi istiqamətində atılan addımları yüksək qiymətləndiriblər.

Sessiya çərçivəsində Azərbaycan nümayəndə heyəti rəhbəri tərəfindən Ermənistan-Azərbaycan Dağlıq-Qarabağ münaqişəsi ilə bağlı ölkəmizin ədalətli mövqeyi səsləndirən zaman Ermənistan nümayəndəsi çıxışa müdaxilə etməyə cəhd edib, lakin İHŞ sədri Ermənistan tərəfini belə addımlar atmaqdan çəkinməyə çağırıb. İHŞ-nin sədri Azərbaycan nümayəndə heyətinin öz çıxışında ölkəsi üçün vacib hesab edilən istənilən mövzunu qaldırmaqda sərbəst olduğunu Ermənistan nümayəndəsinə bildirib.

Bu xüsusda, X.Xələfov, ölkəmizdə insan hüquqlarının və əsas azadlıqlarının müdafiəsi və təşviqi sahəsində əsas çətinliklərin birbaşa olaraq Ermənistanın ölkəmizə qarşı hərbi təcavüzü və bunun nəticəsində torpaqlarımızın 20%-nin Ermənistan hərbi qüvvələrinin işğalı altında olması ilə əlaqəli olduğunu bir daha nəzərə çatdırıb, Ermənistanın bu davranışını məqsədyönlü şəkildə Azərbaycanın Universal Dövri İcmal baxışının gedişatının pozulmasına cəhd kimi qiymətləndirib.

Ermənistanın ərazi iddialarını yalnız Azərbaycana qarşı deyil, digər qonşu ölkələrə qarşı da yönəldiyini xatırladan X.Xələfov, hərbi ritorikadan istifadə edilməsinin yeni Ermənistan rəhbərliyi tərəfindən də davam etdirilməsinin Ermənistan-Azərbaycan münaqişəsinin həllinə mənfi təsir etdiyini bildirib. BMT Təhlükəsizlik Şurası tərəfindən münaqişə ilə bağlı qəbul edilmiş 4 qətnamənin hələ də yerinə yetirilmədiyini qeyd edən nazir müavini, Azərbaycan ərazilərində ikinci erməni dövlətinin yaradılmasına heç vaxt icazə verilməyəcəyini vurğulayıb.

X.Xələfov Ermənistan hərbi-cinayətkar rejimi tərəfindən törədilmiş Xocalı soyqırımı və öz valideynlərinin qəbrini ziyarət etmək üçün işğal altında olan ərazilərimizə səfər edən Azərbaycan vətəndaşlarının erməni hərbçiləri tərəfindən girov götürülməsi məsələsini də qeyd edib və dünya ictimaiyyətini bu cür cinayətlərə biganə qalmamağa çağırıb. Ermənistanın bu cinayətlərə və təcavüzün ağır nəticələrinə görə məsuliyyət daşıdığını qeyd edən nazir müavini, Azərbaycanın öz suverenliyini bütün ərazilərində bərpa etməsi hüququnu özündə saxladığını vurğulayıb.

İnteraktiv dialoq zamanı çıxış edən dövlətlər tərəfindən səsləndirilən sahəvi sualları Azərbaycanın aidiyyəti dövlət qurumlarının rəhbər vəzifəli nümayəndələri cavablandırıb.

Qeyd edək ki, 17 may 2018-ci il tarixində UDİ üzrə İşçi Qrup tərəfindən Azərbaycanın 3-cü dövri məruzəsinin təqdimatı və səsləndirilən tövsiyələrin əks olunduğu hesabat qəbul ediləcək.

Tədbirdən sonra X.Xələfovun rəhbərlik etdiyi nümayəndə heyəti BMT-nin Cenevrə Ofisinin yerləşdiyi Millətlər Sarayının qarşısında yerləşən Ariana Parkında Azərbaycan dövlətinin hədiyyəsi olan "Düşüncələr və arzular" adlı heykəltaraşlıq abidəsini ziyarət ediblər.

Son.az 


Xəbərə aid fotolar

Almaniyada miqrant ailəsi təhqir edildi like
  • 15 May 19:00  
Dünya Almaniyada miqrant ailəsi təhqir edildi

Almaniyanın Saksoniya federal torpağının Maqdeburq şəhərində dəhşətli

arrow Ətraflı
Qazaxıstanın Texnologiya və Mühəndislik Universitetinin rektoru BDU-da olub (FOTO) like
  • 15 May 18:55  
Digərləri Qazaxıstanın Texnologiya və Mühəndislik Universitetinin rektoru BDU-da olub (FOTO)

Bakı Dövlət Universitetində Qazaxıstanın Ş.Esenov adına Xəzər Dövlə

arrow Ətraflı
Fenerbahçe azarkeşlərinə görə cərimələndi like
  • 15 May 18:50  
İdman Fenerbahçe azarkeşlərinə görə cərimələndi

Türkiyə Futbol Federasiyası ölkə kubokunun finalında keçiri

arrow Ətraflı
Təhsil nazirinin müavini: İKT insan kapitalının formalaşdırılmasında vacib rol oynayır like
  • 15 May 18:48  
Digərləri Təhsil nazirinin müavini: İKT insan kapitalının formalaşdırılmasında vacib rol oynayır

İnformasiya kommunikasiya texnologiyaları insan kapitalının formalaşdırıl

arrow Ətraflı
Lerikdə narkotik vasitə qanunsuz dövriyyədən çıxarıldı   FOTO like
  • 15 May 18:48  
Digərləri Lerikdə narkotik vasitə qanunsuz dövriyyədən çıxarıldı FOTO

Lerik Rayon Polis Şöbəsinin əməkdaşlarının keçirdikləri əməliyyat t

arrow Ətraflı
Azərbaycanda rekord   Kitab nəşr olunandan cəmi 3 saat sonra satılıb qurtardı like
  • 15 May 18:42  
Digərləri Azərbaycanda rekord Kitab nəşr olunandan cəmi 3 saat sonra satılıb qurtardı

Xəbər verdiyimiz kimi ötən həftənin şənbə günü, mayın 12-də tanınm

arrow Ətraflı
Həmidə Ömərovanın oğlu like
  • 15 May 18:36  
Şou-biznes Həmidə Ömərovanın oğlu

Xalq artisti Həmidə Ömərovanın oğlu Rəhim fotokameramıza tuş gəlib.

arrow Ətraflı
Bakıda yeni avtomobil yolunun tikintisi ilə bağlı 45 milyon manat ayrılıb like
  • 15 May 18:25  
Siyasət Bakıda yeni avtomobil yolunun tikintisi ilə bağlı 45 milyon manat ayrılıb

Prezident İlham Əliyev Bakı şəhəri ərazisində yeni avtomobil yolunun tik

arrow Ətraflı
Bakıda yeni avtomobil yolununun tikintisi ilə bağlı 45 milyon manat ayrılıb like
  • 15 May 18:20  
Digərləri Bakıda yeni avtomobil yolununun tikintisi ilə bağlı 45 milyon manat ayrılıb

Prezident İlham Əliyev Bakı şəhəri ərazisində yeni avtomobil yolunun tik

arrow Ətraflı
Balaca oğlan evlənmə təklifini "bəzədi"  VİDEO  FOTO like
  • 15 May 18:18  
Digərləri Balaca oğlan evlənmə təklifini "bəzədi" VİDEO FOTO

3 yaşlı Ouen anasına edilən evlənmə təklifini "bəzəyib".

arrow Ətraflı
Binəqədi İcra Hakimiyyətində ASAN könüllüləri ilə görüş olub like
  • 15 May 18:16  
Digərləri Binəqədi İcra Hakimiyyətində ASAN könüllüləri ilə görüş olub

Binəqədi rayon İcra Hakimiyyətində 4 may tarixindən etibarən təcrübə k

arrow Ətraflı