Məleykə Abbaszadə abituriyent və valideynlərə tövsiyələr verib


Sosial 15 May 2018 17:02:00 345 0

Məleykə Abbaszadə abituriyent və valideynlərə tövsiyələr verib

“Qanunu bilməmək və ya anlamamaq o demək deyil ki, siz onu poza bilərsiniz”

“Qanunu bilməmək və ya anlamamaq o demək deyil ki, siz o qanunu poza bilərsiniz”.

"Report" xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə deyib.

O, valideynlərə və abituriyentlərə məsləhət görüb ki, qəbul qaydaları ilə tanış olsunlar: “Dövlət İmtahan Mərkəzinin saytında, "Abituriyent" jurnalında, "Yaddaş kitabçası"nda çox sadə dillə hər şey yazılıb. Ordakı öhdəlikləri abituriyentlər öz üzərinə götürürsə, ona imtahanda normal şərait olacaq və imtahan nəticələri qısa müddətdə yoxlanılıb təqdim olunacaq”.

Məleykə Abbaszadənin sözlərinə görə, Dövlət İmtahan Mərkəzi maarifləndirmə işinə kifayət qədər vaxt sərf edir: "Təəssüf ki, sonra bir o qədər vaxt da imtahanlarda aşkarlanan qanun pozuntularına sərf ediilir. Halbuki bu belə olmamalıdır”.

Sədr qeyd edib ki, IX sinif buraxılış imthanlarında 100 mindən çox şəxs imtahan vermişdi, amma onların 50 faizi nəticələrinin qrafik təsvirinə baxıb: “Qrafiktəsvirə baxmaq bütün imtahanlarda, xüsusən də buraxılış imtahanlarında çox vacibdir. Valideynlər özləri də o təsvirlərə baxmalıdırlar, onlar uşaqların imtahana nə qədərhazır olduğunu bu qrafiklərə baxaraq müəyyən edə bilərlər”.