Bakıda gənc oğlan yol qəzası nəticəsində komaya düşüb
Sosial 10 May 2018 06:33:16 249 0
Onu yolu keçən zaman minik maşını vurub
Paytaxtın Xətai rayonunda piyadanın vurulması ilə nəticələnən yol-nəqliyyat hadisəsi baş verib.
“Report” xəbər verir ki, 1995-ci il təvəllüdlü Kərimov Nurlan Əflatun oğlu NZS qəsəbəsində yolu keçmək istəyən zaman onu minik avtomobili vurub.
Yaralı koma vəziyyətinə düşüb. O, "təcili yardım" maşını vasitəsilə 1 saylı Kliniki Tibbi Mərkəzə yerləşdirilib.
Xəstəxanın Reanimasiya şöbəsindən verilən məlumata görə, onun vəziyyəti ağırdır.
Faktla bağlı Xətai Rayon Polis İdarəsində cinayət işi başlanılıb.
Mənbə: report.az