Lökbatanda iki nəfərin ölümündə təqsirləndirilən sürücünün şikayəti əsasında məhkəmə başlayıb
Sosial 09 May 2018 11:07:00 304 0
Məhkəmənin növbəti iclası mayın 17-nə təyin edilib
"Report"un xəbərinə görə, Sahibxan Mirzəyevin sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
Məhkəmənin növbəti iclası mayın 17-nə təyin edilib.
Qeyd edək ki, Daxili İşlər Nazirliyinin yaydığı məlumata görə, 2017-ci il mayın 25-i saat 21 radələrində Qaradağ rayonunun Lökbatan qəsəbəsi ərazisində Bakı şəhər sakinləri E.Musayevin idarə etdiyi “VAZ-2107”, Azər Hüseynovun idarə etdiyi “MAZ” və Mehrab Musayevin idarə etdiyi “Mercedes” markalı avtomobillər toqquşub.
Nəticədə E.Musayevin sərnişinlərindən paytaxt sakini Mikayıl Məmmədov hadisə yerində ölüb, özü və digər 2 sərnişini isə yaralı vəziyyətdə xəstəxanaya yerləşdiriliblər. Sərnişinlərdən Rüfət Paşayev də xəstəxanda ölüb.
Bakı Ağır Cinayətlər Məhkəməsinin hökmü ilə E.Musayev 6 il müddətinə azadlıqdan məhrum edilib. Hökmdən narazı qalan məhkum apellyasiya şikayəti verib.
Qəzaya düşən avtomobillərdən biri Hərbi Dəniz Qüvvələrinə məxsus olub.