Bakıda keçmiş məhkum bıçaqlanıb
Digərləri 05 May 2018 08:18:00 230 0
O, ərəb turistlər tərəfindən bıçaqlandığını desə də, yalanının üstü açılıb
Bakının Sabunçu rayonunun Balaxanı qəsəbəsində bıçaqlanma hadisəsi baş verib.
Son.az "Report"a istinadən bildirir ki, 1966-ci il təvəllüdlü Cabbarov Azər Firuddin oğlu bıçaqlanaraq 3 saylı Kliniki Tibbi Mərkəzə yerləşdirilib.
O, ilkin dindirilmə zamanı bildirib ki, guya paytaxtın mərkəzindən keçən Nizami küçəsində ərəb turistlər tərəfindən bıçaqlanıb.
Lakin, Sabunçu RPİ-nin əməkdaşları tərəfindən aparılan araşdırma nəticəsində məlum olub ki, A.Cabbarov Balaxanı qəsəbəsində tanışı tərəfindən bıçaqlanıb.
Hadisənin dəqiq kim tərəfindən törədildiyi araşdırılır.
A.Cabbarov əvvəllər məhkumluq həyatı yaşayıb.
Mənbə: milli.az