Topaz Premyer Liqasında 26-cı tura start veriləcək
İdman 04 May 2018 09:48:00 320 0
Bu gün futbol üzrə Topaz Premyer Liqasında XXVI tura start veriləcək.
Goal.az-ın məlumatına görə, turun ilk matçında aşağı liqaya düşməsi dəqiqləşən Kəpəz doğma azarkeşlər önündə Sumqayıt'la qarşılaşacaq.
Bu qarşılaşma komandalar arasında yubiley oyunu olacaq. Komandalar indiyədək 19 dəfə qarşılaşıblar. Gəncəlilər 5 oyunda qələbə qazanıbsa, "gənclik şəhəri" təmsilçisi 8 matçda rəqibindən üstün olub. Altı görüşdə isə qalib müəyyənləşməyib. Top fərqində də Sumqayıt öndədir - 27-21. "Sumqayıt" ardıcıl 3 oyundur rəqibini məğlub edir. Kəpəz isə bu komandaya qarşı son 7 görüşdə 1 qələbə qazana bilib.
Premyer Liqa, XXVI tur
4 may (cümə)
16:00. "Kəpəz” – "Sumqayıt”
Hakimlər: Rəhim Həsənov, Yaşar Abbasov, Vüsal Qənbərov, Vüqar Həsənli
AFFA nümayəndəsi: Rauf Hüseynli
Hakim-isnpektor: Füzuli Nəcəfov
Gəncə şəhər stadionu