Son.az bildirir ki, bir qrup şəxs mənşəyi məlum olmayan və dövlət qeydiyyatından keçirilməyən dərmanların satışını təşkil ediblər. Baş vermiş hadisə saxta dərmanı orjinalından necə ayırd etməli məsələsini gündəmə gətirir. Şəhər sakinləri bu məsələdə aldanmamaq üçün daim inandığı apteklərdən alış-veriş etdiyini deyir. Sakin: "Aptekdən almışam. Gətirmişəm evə. Görmüşəm ki, kefiyyəti yoxdur". Sakin: "Mən uşaq yeməyi alıram. Mənə deyirlər ki, bu yemək baha olduğuna görə orginaldır. Ucuzu isə saxtadır".  Bəs alıcı saxta malı əslindən necə ayıra bilər? Dərman satışı ilə məşğul olanlar deyir ki, ilk baxışdan bunu ayırd etmək mümkün olmur. Leyla Vəliyeva - Əczaçı: "Qiymətində və qablaşdırılmasında heç bir fərq olmur. Çünki oxşar olurlar. Ancaq bilinir ki, hardan almısan, hansı qoldan almısan. Bax ondan bilinir ki, bu saxtadır, ya saxta deyil. Əsində, biz dərmanları depodan alırıq. Biz də əminik ki, depomuzda saxta dərmanlar olmur". Ümumiyyətlə, ölkəyə 2 tip dərman preparatları idxal olunur. Bioloji aktiv əlavələri olan və tam kimyəvi tərkibli maddələr. Dərman vasitələri haqında qanuna uyğun olaraq ölkəyə gətirilən bütün pereparatlar Səhiyyə Nazirliyinin Analitik Ekspertiza Mərkəzi tərəfindən analiz olunur.  İlqar Hüseynli - Ekspert: "Uyğunluq sersifikatı artıq rəsmi dövlət qurumu tərəfindən sahibkara verilirsə, ondan sonra həmin dərman pereparatlarını və yaxud da ki bioloji aktiv maddəni sahibkarın ölkəyə idxalı ilə bağlı hər hansı problem yoxdur. Yəni artıq o, gömrük sənədləşməsidir, vergilərlə bağlı məsələlər öz əksini tapır. Bu prosedurları keçdikdən sonra ölkəyə idxal olunur". Belə olan halda aptekdən dərman alan müştəri şübhə etdiyi dərman haqqında əczaçıdan onun uyğunluq sertifikatını tələb edə bilər. Ekspert İlqar Hüseynli hesab edir ki, apteklərdə nadir hallarda saxta məhsullar olur. Yəni saxta mal qaçaqmalçılıq yolu ilə gətirilir, onun ölkə daxilində istehsalı isə mümkün deyil: "Hal- hazırda ölkədə elə bir sexlər, elə bir xüsusi texnologiya ilə təmin olunmuş faktlar yoxdur ki, bu saxta dərman peraparatlarını istehsal edə bilsin". Xəstələnəndə pənah gətirdiyimiz dərmanlardan şəfa tapacağımızı düşündüyümüz halda xəstəlik də tapa bilərik. Dünya səhiyyə təşkilatının hesabatına görə, hər il 1 milyona qədər insan saxta dərmanların qurbanı olur. O zaman insan taleyi ilə oynayan və daha çox məsuliyyət payı olanlar kimlərdir? Dərmanı gətirən, onu satan, yoxsa bu bazara nəzarət etməli olan?