Bakı. Cani Babayeva - Çox istəyirəm ki, azərbaycanlı gimnastlar yüksək yerlər tutsunlar. Bunu Trend-ə Bədii gimnastika üzrə Dünya Kubokunun tamaşaçısı Sərxan Axundov deyib. O bildirib: "Komandamıza azarkeşlik edirəm, gimnastlarımıza yüksək nəticələr əldə etməyi arzulayıram. Bilirəm ki, Dünya Kubokunda rəqabət böyükdür, ancaq biz hamımız idmançılarımıza inanırıq və hər zaman onlara dəstək olmağa hazırıq". Sərxan Axundov qeyd edib ki, Dünya Kubokunun təşkil olunması çox yaxşıdır və o, yarışmaları böyük maraqla izləyir: "Tədbirə xüsusi ab-havanı hamının əhvalını qaldıran maskot Qur-Qur qatır".