"Shamkir Chess 2018" superturnirində VIII turun görüşləri keçiriləcək


İdman 27 Apr 2018 11:03:00 312 0

"Shamkir Chess 2018" superturnirində VIII turun görüşləri keçiriləcək

Bu gün mərhum qrossmeyster Vüqar Həşimovun xatirəsinə həsr olunmuş "Shamkir Chess 2018" superturnirində VIII turun görüşləri keçiriləcək.

Goal.az xəbər verir ki, Azərbaycan şahmatçılarından Teymur Rəcəbovla Şəhriyar Məmmədyarov ağ, Rauf Məmmədov qara fiqurlarla oynayacaq. Rəcəbov rusiyalı Sergey Karyakinlə, Məmmədyarov çexiyalı David Navara ilə qarşılaşacaq. Məmmədovun rəqibi isə çinli Dinq Liren olacaq. 

"Shamkir Chess 2018”

VIII tur

27 aprel

Teymur Rəcəbov (Azərbaycan) - Sergey Karyakin (Rusiya)

Veselin Topalov (Bolqarıstan) - Radoslav Voytaşek (Polşa)

Aniş Giri (Hollandiya) - Maqnus Karlsen (Norveç)

Dinq Liren (Çin) - Rauf Məmmədov (Azərbaycan)

Şəhriyar Məmmədyarov (Azərbaycan) - David Navara (Çexiya)

Qeyd edək ki, 7 turdan sonra Maqnus Karlsen 4,5 xalla birinci pillədə qərarlaşıb. Aniş Giri, Dinq Liren və Veselin Topalov hərəyə 4 xalla 2 - 4-cü yerləri bölüşdürür. Teymur Rəcəbov, Sergey Karyakin və Rauf Məmmədov hərəyə 3,5 xalla 5 - 7-ci, Şəhriyar Məmmədyarov və Radoslav Voytaşek hərəyə 3 xalla 8-9-cu yerdədir. 2 xala malik David Navara isə sonuncudur. "ShamkirChess 2018"ə aprelin 28-də yekun vurulacaq.