Almaniya millisinin üzvü Jerom Boatenq qarşıdakı dünya çempionatını buraxmaq təhlükəsi ilə üzləşib. Goal.az xəbər verir ki, 29 yaşlı müdafiəçi Çempionlar Liqasının yarımfinal mərhələsində keçirilən Bayern Munchen - Real matçında (1:2) zədələnib. Tibbi müayinə onun əzələsində problem olduğunu göstərib. Təxminin bərpa müddəti 6 həftədir. Boatenqin Real-la cavab görüşünü və Almaniya kubokunun finalını buraxacağı dəqiqdir. Ehtimal var ki, futbolçu mundiala qədər lazımi forma yığa bilməyəcək. Boatenq əvvəlki uzunmüddətli zədəsini 1 ay öncə sağaltmışdı.