Azərbaycan Prezidenti Böyük Britaniyanın Avropa və Amerika məsələləri üzrə dövlət naziri ilə görüşüb FOTO


Siyasət 26 Apr 2018 14:55:00 279 0

Azərbaycan Prezidenti Böyük Britaniyanın Avropa və Amerika məsələləri üzrə dövlət naziri ilə görüşüb  FOTO

Azərbaycan Respublikasının Prezidenti İlham Əliyev aprelin 26-da Böyük Britaniya və Şimali İrlandiya Birləşmiş Krallığının Avropa və Amerika məsələləri üzrə dövlət naziri Alan Dunkan ilə görüşüb.

Son.az AZƏRTAC-a istinadən xəbər verir ki, görüşdə Alan Dunkan dövlətimizin başçısını yenidən Prezident seçilməsi münasibətilə təbrik etdi və ona fəaliyyətində uğurlar arzuladı. Qeyd etdi ki, Prezident İlham Əliyevin yenidən Prezident seçilməsi Azərbaycanın sürətli inkişafının davamlı olmasını təmin edəcək.

Söhbət zamanı ikitərəfli və regional əməkdaşlıq, qarşılıqlı maraq doğuran digər məsələlər müzakirə olundu.

Görüşdə Ermənistan-Azərbaycan, Dağlıq Qarabağ münaqişəsinin həlli ilə bağlı danışıqlar prosesi barədə fikir mübadiləsi aparıldı.


Xəbərə aid fotolar