Son.az bildirir ki, müraciətlər arasında bəzi kommunal normativlərin, xüsusilə binaların saxlanılması xərclərinin müəyyən edilməsi zamanı sakinlərlə müqavilələrin bağlanılmaması, ya da müqaviləyə zidd tələblərin irəli sürülməsi əsas yerlərdən birini tutur.

Məlumdur ki, çoxmərtəbəli yaşayış binalarında əsas kommunal xərclərlə yanaşı binanın saxlanması üçün, daha dəqiq desək ərazinin təmizliyi, binaların təmiri, işıqlandırılması, mühafizə xidmətinin təşkili və digər işlər üçün xərclər nəzərdə tutulur. Müşahidələrə əsasən sözügedən xərclər MTK-lar tərəfindən əsaslandırılmadan tələb edilir, ya da ödənişlərə uyğun xidmət təşkil edilmir.

Əmlak məsələləri üzrə ekspert İslah Kərimov deyir ki, binanın saxlanılması xərclərinin müəyyən dövrdən sonra MTK-lar tərəfindən yığılması da qanunvericiliyə ziddidir.