DİM: Yuxarı yaş intervalına aid kişi və qadın namizədlər uğur qazana bilməyib
Digərləri 25 Apr 2018 09:57:00 203 0
Dövlət İmtahan Mərkəzi tərəfindən inzibati vəzifələrin B növünə (inzibati icraçı vəzifələr) aid olan BA və BB qruplarına uyğun olan vəzifələr üzrə dövlət qulluğuna qəbul imtahanı keçirilib.
Bakı. İlhamə İsabalayeva -
Dövlət İmtahan Mərkəzi tərəfindən aprelin 22-də inzibati vəzifələrin B növünə (inzibati icraçı vəzifələr) aid olan BA və BB qruplarına uyğun olan vəzifələr üzrə keçirilən dövlət qulluğuna qəbul imtahanının statistik nəticələri açıqlanıb.
DİM-dən Trend-ə verilən məlumata görə, imtahanda iştirak etmək üçün qeydiyyatdan keçən namizədlərin 1038 nəfəri kişi, 634 nəfəri isə qadın olub. Qeydiyyatdan keçən namizədlərdən kişilər üzrə 907 nəfər (qeydiyyatdan keçənlərin 87%-i), qadınlar üzrə isə 572 nəfər (qeydiyyatdan keçənlərin 90%-i) 20-34 yaş intervalında olanlardır. Ən yuxarı yaş qrupu (60-64 yaş intervalı) üzrə qeydiyyatdan keçənlərin 2-si kişi, 1-i isə qadındır. Lakin yuxarı yaş intervalına aid kişi və qadın namizədlərin heç biri imtahanda uğur qazana bilməyib. Ümumiyyətlə, imtahanda iştirak edən 45 yaşdan yuxarı namizədlərdən yalnız 2 nəfəri (kişi) imtahanı uğurla keçib.
İmtahanda müvəffəqiyyət əldə edən kişi və qadınların 265 nəfəri (147 kişi və 118 qadın), 20-24 yaş intervalında olan namizədlərdir. Bu yaş qrupu üzrə imtahandan iştirak edən kişilərin 51.4%-i, qadınların isə təqribən 60%-i müvəffəqiyyət əldə edib.
25-29 yaş intervalında isə 305 nəfər (187 kişi və 118 qadın) lazım olan balı toplaya bilib.
Cədvəldən də göründüyü kimi imtahanda uğur qazanan namizədlərin 649 nəfəri, yəni təqribən 96%-i yaşı 34-ə qədər olan insanlardır. Bu göstərici 18 fevral tarixində keçirilən imtahanda da eyni idi. Bu onu göstərir ki, imtahanlarda uğur əldə edən namizədlər əsasən gənclərdir.
35-64 yaş intervalında olan və imtahanı uğurla keçən namizədlərin sayı 27 nəfərdir.
Xatırladaq ki, imtahanda iştirak etmək üçün qeydiyyatdan keçmiş 1672 namizəddən 676 nəfəri (40.4%) müvəffəqiyyət əldə edib.
Bu, 18 fevral tarixində keçirilən imtahanda qeydə alınan göstəricidən təqribən 10% daha yaxşı nəticədir.
İmtahanda uğur əldə edənlərin faiz göstəricilərinə kişilər və qadınlar üzrə baxsaq görərik ki, qadınların nəticələri az da olsa, daha yuxarıdır. Belə ki, imtahanda iştirak edən kişilərin 38%-i, qadınların isə 44.5%-i uğur əldə ediblər.
Ümumi məlumat
Yaş intervalı
Qeydiyyatdan keçmişdir
Test imtahanından uğurla keçib
Faizlə (%)
20-24
483
265
54.9
25-29
710
305
43.0
30-34
286
79
27.6
35-39
100
18
18.0
40-44
42
7
16.7
45-49
16
1
6.3
50-54
20
1
5.0
55-59
12
0
0.0
60-64
3
0
0.0
Cəmi:
1672
676
40.4
Kişi və qadınlar üzrə məlumat
Cinsi
Yaş intervalı
Qeydiyyatdan keçmişdir
Test imtahanından uğurla keçib
Faizlə (%)
Kişi
20-24
286
147
51.4
Kişi
25-29
445
187
42.0
Kişi
30-34
176
46
26.1
Kişi
35-39
63
8
12.7
Kişi
40-44
Mənbə: az.trend.az