Goal.az xəbər verir ki, ilk oyun günündə İngiltərə Liverpool'u klubu doğma azarkeşlər önündə İtaliya Roma'sı ilə qarşılaşacaq. Hazırda Liverpool'da çıxış edən Məhəmməd Salah 2015 - 2017-ci illərdə Roma'nın formasını geyinib. 

Liverpool 1984-cü il Çempionlar Kubokunun finalında Roma'nı əsas vaxtı 1:1 hesabı ilə yekunlaşmış görüşdə penaltilər seriyasında 4:2 hesabı ilə yenib. Həmin görüşdən sonra Roma ilk dəfədir yarımfnalda iştirak etmək hüququ qazanır.

Liverpool 4 futbolçusunun xidmətindən yararlana bilməyəcək. Joel Matip, Emre Can, Adam Lallana, Nataniel Klayn zədə səbəbindən matçı buiraxacaq. Roma'da isə iki zədəli var: Rik Karsdorf və Qrequar Defrel.

Çempionlar Liqası

1/2 final, ilk oyun

24 aprel

22:45. Liverpool (İngiltərə) – Roma (İtaliya)

Baş hakim: Feliks Brıx (Almaniya)

Liverpul, "Enfild" stadionu

Yarımfinal mərhələsinin digər qarşılaşması sabah keçiriləcək. Almaniyanın Bayern Muncih klubu evdə İspaniyanın Real Madrid komandasını qəbul edəcək.