İran hərbçiləri Suriyada bu ölkənin ekstremistlər tərəfindən ələ keçirilməsinin qarşısını almaq üçün mövcuddurlar.

“Report” RİA "Novosti"yə istinadən xəbər verir ki, bunu İslam Respublikasının xarici işlər naziri Məhəmməd Cavad Zərif deyib.

"Biz Suriyada heç kimi dəstəkləmirik", — deyə Zərif Suriyada prezident Bəşər Əsədə dəstək göstərilməsi ilə bağlı suala cavabında bildirib.

"Biz ona görə Suriyadayıq ki, ölkənin ekstremistlər tərəfindən ələ keçirilməsinin qarşısı alaq", — deyə İranın XİN rəhbəri Nyu-Yorkda Beynəlxalq Əlaqələr Şurasında çıxışı zamanı söyləyib.