Yəməndə toy mərasiminin bombalanması nəticəsində azı 50 dinc sakin ölüb
Dünya 24 Apr 2018 01:58:07 253 0
Ölənlərin arasında uşaqlar da var
BMT-nin baş katibi Antoniu Quterriş bazar ertəsi Səudiyyə Ərəbistanının başçılıq etdiyi ərəb koalisiyasının ən azı 50 dinc sakinin ölümü ilə nəticələnən hava zərbələrini pisləyib.
“Report” TASS-a istinadən xəbər verir ki, baş katib bu hadisələri təcili və səmərəli şəkildə araşdırmağa çağırıb.
"Baş katib Haccada toy mərasiminə və Taizdə mülki şəxslərin olduğu minik maşınına endirilən aviazərbələri qətiyyətlə pisləyir. Daxil olan məlumatlara görə, hava zərbələri nəticəsində uşaqlar da daxil olmaqla azı 50 nəfər ölüb və onlarla insan yaralanıb", - deyə məlumatda bildirilir.
Mənbə: report.az