Bakı. Paytaxtda liftdə köməksiz vəziyyətdə qalan 2 nəfər xilas edilib. Trend Fövqəladə Hallar Nazirliyinin saytına istinadən xəbər verir ki, böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhəri, Binəqədi rayonunda 2 nəfər liftdə köməksiz vəziyyətdə qalıb. Hadisə yerinə cəlb olunmuş Xüsusi Riskli Xilasetmə Xidmətinin müvafiq xilasetmə qüvvələri vətəndaşların liftdən çıxmasına kömək edib.