DİM müsahibədə iştirak etməyən namizədlərə növbəti dəfə xəbərdarlıq edib
Digərləri 20 Apr 2018 10:06:00 161 0
Gün ərzində keçirilməsi nəzərdə tutulan 88 müsahibədən 34-ü baş tutub, 54 müsahibə isə namizədlərin gəlməməsi səbəbindən baş tutmayıb.
Bakı. İlhamə İsabalayeva -
2018-ci il aprelin 19-da Dövlət İmtahan Mərkəzi tərəfindən 2018-ci il 7 və 8 fevral tarixlərində elan edilmiş dövlət qulluğuna qəbul üçün müsabiqənin müsahibə mərhələsi və 2018-ci il 13 fevral tarixdə elan edilmiş ümumi müsahibə üzrə qeydiyyatdan keçmiş namizədlərlə müsahibələr davam etdirilib.
Müsahibələr Bakı şəhəri, həmçinin DİM-in Gəncə regional bölməsi də daxil olmaqla 11 müxtəlif yerdə təşkil edilib.
Gün ərzində keçirilməsi nəzərdə tutulan 88 müsahibədən 34-ü baş tutub, 54 müsahibə isə namizədlərin gəlməməsi səbəbindən baş tutmayıb. Müsahibədə iştirak etmiş namizədlərdən 21-i iddia etdiyi vəzifəyə uyğun hesab edilib.
Nəzərə almaq lazımdır ki, müsahibələrin təşkili və keçirilməsi üçün DİM və dövlət orqanları tərəfindən kifayət qədər vəsait və resurslar sərf olunur.
Mənbə: az.trend.az