Son.az xezerxeber.az-a istinadən bildirir ki, bunu İqtisadiyyat nazirinin müavini Sahib Məmmədov deyib. Nazir müavini, icazələrin elektronlaşdırılması üçün işlərə başlanıldığını da vurğulayıb.

Azərbaycan orta gəlirli ölkələr kateqoriyasından çıxaraq yüksək gəlirli ölkələr sırasına daxil olub. Bunu "XəzərXəbər"ə açıqlamasında qeyd edən İqtisadiyyat nazirinin müavini Sahib Məmmədov Azərbaycanın bir sıra beynəlxalq təşkilatların hesabatlarında mövqeyinin hər il yüksəldiyinə diqqət çəkib. Nazir müavini bildirib ki, həyata keçirilən tədbirlər nəticəsində Azərbaycan nəqliyyat dəhlizinə çevrilməklə həm yerli, həm də xarici sahibkarlar tərəfindən daha cəlbedici bir ölkə halına gəlib.

Sahib Məmmədov ölkəyə qoyulan investisiyaların yarısının xarici investorların payına düşdüyünü vurğulayıb. bu isə beynəlxalq iqtisadi münasibətlərdə qazanılan yüksək etimadın göstəricisidir.