Facebook sosial şəbəkəsi aktiv şəkildə fəaliyyət göstərən və üzvlərinin sayı 300 mindən çox olan 120 qrupun fəaliyyətini dayandırıb.

Son.az xəbər verir ki, bu barədə jurnalist Brayn Krebs məlumat yayıb. Jurnalist qeyd edib ki, şirkət tərəfindən keçirilən monitorinq zamanı şəbəkədə kibercinayətkarlıqla məşğul olan qruplar aşkarlanıb. Ümumilikdə 300 mindən çox üzvü olan təxminən 120 qrup bağlanıb.

Qrup üzvlərinin qeyri-qanuni yollarla Facebook istifadəçilərinə spam mesajlar göndərib şəxsi məlumatlarını əldə etdikləri iddia edilir. Bundan başqa, fırıldaqçılıq, bank hesablarına müdaxilə, vergidən yayınma, sifarişlə DDoS-hücumların həyata keçirilməsi, eyni zamanda, qanunla qadağan edilmiş botnetlər kimi bir sıra digər xidmətlərin təklif edildiyi aşkarlanıb.

Bu qruplar arasında ən az fəaliyyət müddəti olan 2 ildir.